Homo democroaticus: Kam da denemo Franceka?

- Nemoj me ništ pitati, znam ko i ti, naredba je došla z vrha i do sutra moramo dati predlog. Vesna baš ni presretna s tim, to ih onaj Amerikanac nagovara kaj SDPju dela kampanju.
- Baš njih briga, Vesna je bog te pitaj gde, valjda na Obali Bjelokosti lobira za glavnu tajnicu, a mi nek tu dumimo... a baš sam se nameračil iti v kasnu berbu, sad pem malo morgen...
- Kakva kasna berba, čovek božji, ak ne prejdemo na izborima bu tebi ledena berba. Odma nazovi sve te naše kaj smo ih pozaposlili da ni sami ne znamo kam, nek idu po gradu i nek najdu lokaciju.
- Moreš misliti, da ti bilo kaj znaju ne bi im ti i ja trebali radna mesta riftati. Pa kaj veliju SDPejci? Kaj veli Habek na sve to?
- Pusti ga, leti okolo z paraglajderom i kriči „Ja sam sokol“, „vi ste sokolovi“, nemreš z njim ništ pametno dogovorit.
- A u krasan... a onaj njihov nositelj Siniša Hajdaš Končić, taj valjda ni skrenul?
- Goran, bemti ne zove se tak nego Adam Hajdaš Dončić, pa ne znaš kak ti se zove nositelj liste! Taj je tek v riti jer mu je Milanović naredil da mora iti na regatu kad su oni stranka „vjetra i mora“, pa se potopil, još cvokoče.
- I sad nek mi podmetnemo prsa i busamo u hrvatska leđa... Ili obratno? Nevermajnd, gde da ja najdem sad vulicu za Tuđmana? Morem jedino dečke v krčmi pitati. Pa ni lakše recimo Novoselcu da Sračinec preimenuje v Tuđmanovec. Ili Batinić Ivanec u Franjevac, vot a diferens ivanovci ili franjevci...
- Goran, pa si ti gradonačelnik, valjda znaš kaj sve ti je sve slobodno v gradu ili kaj bi mogli prekrstiti, ja sam župan samo, da me pitaš za Vinicu ja bi tam odma jen breg našel.
- Vrag te zemi z bregima, jedini breg koji bi ja mogel u gradu najti je onaj breg od belih bala, a to smo već pet put obećali da bumo meknuli nekam, kaj bumo onda Tuđmana premeštali?
- Kaj ti je, to ne, nikak. Čuj, pa kaj ti nedaš isto ime aerodromu po Franji Tuđmanu kak u Zagrebu, pa to nam ne budu mogli odbit?
- Aerodromu? Pa kojem aerodromu? Zaprti je, kaj ne znaš da ne dela već pol lete, sve je zaprto, buju mislili da ih za nos navlačimo. Kaj je opče tom SDPju, kaj da su posteklili z tim domoljubljem, zastavama, z Tuđmanom... I još nas Amerikanac došel vučiti a njima su sve vulice po brojima, druga avenija, treći blok, križanje pete i osamnaeste.
- Pusti ve brojalice, ak nemaš aerodrom, probaj z autobusnim kolodvorom, i tak sam čital da ti žena tam dela, morti se moremo dogovorit, pogotovu ak bute delali podzemni kolodvor.
- To bu još gorše, znaš da je Mesić pripovedal onaj vic da kakva je razlika između Tuđmana i Miloševića? Nikakva, da obadva nemreju iz zemlje haha.
- Pa je, prvo smo svi popevali da hoćemo detuđmanizaciju, da je kriv za pretvorbu, da je zmislil dvesto bogatih familija, da su mu se deca obogatila, da je rasturil Bosnu, čim je hmrl odma smo ga naružili...
- Ti se isto čudiš kak picek glisti, pa kak smo mi Ratka štimali, s čim mu sve nismo kadili, pa ti si mu se kak bogu klanjal, a sad pa moramo sve najgore reći i kaj je istina i kaj zmislimo, i onda bu mi neko rekel da politika nije kurva.
- Pa mogel bi onda stadionu dati ime po Tuđmanu?
- Predrag, ti i sport kak ja i balet, čoveče, pa tam se ne igra više ni selski nogomet, više ljudi čak ima na Korzu u subotu nego na stadionu. A da ti daš ime novoj kirurgiji po Tuđmanu?
- Ti to mene malo guziš? Ko da ne znaš da još nema nijene lopate tam. A i kak bi se to zvalo Kirurgija Franje Tuđmana?
- A si čul da je najfriškiji predlog da se Jelačič plac v Zagrebu prekrsti v Trg Franje Tuđmana, znaš kaj to znači, nemremo dati Tuđmanovo ime nekakvoj seči, grabi il golubinjaku, k vragu to mora biti nekakvo povjesno mesto.
- Pa to bi još bilo najbolje, pa trg gde sam ja se zove Franjevački, moremo samo još ispod nadopisati na tablu Tuđman, pa bu jasno da se pod franjevački misli na Franceka.
- Neg, čuj Predrag, ima još jen problem, neko mi je šapnul da nas je Čehok već zajebo jer se već po Tuđmanu zove trg gde je arena na Dravi? Kak je vrag znal da bumo mi još Tuđmanovi pioniri?
- Kaj zbiljam? A u piksu marmeladinu. A lepo sam vam rekel ove lete, mogli smo se na vreme pripremiti. Na Špancir je trebalo pozvati Thompsona, Škoru i Matu Bulića a ne ove z regiona. A vi ste se slizali z malograđanima, kaj nisu dalje sveta vidli od Pake, pa su nam igrali oni nekakvi anarkristi Dubioza... Ko da nemamo dosta dubioza u proračunu i ti i ja, curi na sve strane.
- Je, da smo znali... ali onda smo još bili za regionalnu suradnju, triput smo se ljubili z regionom, sviral nam je Bajaga, a mogli smo lepo dopelati naše nacionaliste.
- Goran, skockaj se, viš kak ti je glava lepa kockasta tak ti nek misli budu. To nisu nacionalisti nek - domoljubi.