Homo democroaticus: Razmišljanja političkog junfera

Ideš, ljudi, jeate, da sam orobil banku il da sam priznal kak sam ono ja bil s Tinom Katanić na filmiću, ne bi me tak saljetalo kak ovih dana koje kakvi dronovi zuje oko nosa i dosađuju sa spikama oko izbora. Je da su svi skužili da mi je prvi put na izborima i da sam politički junfer, nije da se falim al sam kao zreli (punoletan sam a tak mi koristi kak i punoglavcu puna glava), pa je sad kolektiva nad mojim mladim bićem s kim bum i kak junfera zgubil. Nekad si bil junfer na MEC-u dok nisi zbaril gimnazijalku il bar kemijske tehničarke, sad me glediju kak glasačko meso kak da bum junfera mislim političkoga zgubil z olovkom po mogućnosti z gumenim vrhom.

Prvo je raska uletela jen dan v razred kaj da ju gone besni duhi od Tolstoja ili koji je već to Rus napisal i počela kričati histerično kak su objavljeni rezultati istraživanja i kak „naša mladež, tj. vi, vi, vi učenici“, znači mi, mi i mi ništ ne znamo skužiti neg smo zavedeni (na kaj je ona štreberica Chiara z Voće Donje a morti i Gornje, a morti se piše i Kiara) jer ne znamo ko nam je premjer (na kaj je Jura zvan Rouney po onom pjegavom Englezu skočil i rekel da zna sve momčadi Premier lige i nek ga ne vređa), da ne znamo ko se kandidiral sad za glavnu tajnicu UN (na kaj je Jean Paul Frljužec dreknul da je to Vesna Zmijanac, pa je raska načisto posteklila da kak more tak lupetati gluposti, na kaj se Jean Paul ni dal potrti nek je rekel da su se dva vozila u busu, jen je čital Večernjak o toj Vesni, drugi je zakričal „Zmija!“ i Jean Paul Frljužec je letigimno zaključil da bi to mogla biti Zmijanac), aha da, na sve to se još javil i Predrag zvan Crveni i rekel da samo zapuštena (il možda zapušena, nisam baš registriral) mladež ne bi znala da je premjer Milovanović a zamjenica Opanka Milačić, i onda je bil kuršlus u raskinim živčanim instalacijama, pa je uz povremene prekide napajanja rekla neverojatnom svečanosti u glasu: „Dobro, djeco ovo su prijelomna vremena...“ i počela nizati kak nigdar ni bilo da ni nekak bilo al da vezda ne bu ak nam nekaj izbori novog ne donesu i „morate osjetiti kao svoju građansku dužnost izaći na izbore.A da biste mogli, djeco, izaći na izbore i pametno glasovati, potrebno je najprije da se dobro informirate, nije dužnost samo tu nedjelju otići na biralište nego je još veća dužnost prethodno s punom pažnjom i osjećajem društvene odgovornosti proučiti sve programe“ pa je rastepla neke slikovnice po stolima, sve neke kričave boje i još bi frfljala da Patrik zvan Kocka ni blenul da mu ti papireki zglediju kak listeki v kladionici i dal bi mi mogli kladionicu otprti v razredu, da on da 1000 eura na Karamarka, na kaj je njegova cura Barbara (al ju svi zovemo Barica) rekla „da ne bi“ pa nismo znali da li bi ili ne bi, al je ona objasnila da joj je već rekel kak buju dete napravili jer je Karamarko obećal tisućaka (jebe se Patriku, ima penez, stari mu švercal navodno ljude jer ak more država zakaj on ne bi mogel, tak on veli). 

Na to je raska kolaborirala na pod pa je došel pedagog, ko da vodi 3,2,1 kreni počel govorit o predizbornoj juhi u kojoj ima svega, al mi moramo sastojke dobro odvagnut ak hoćemo da bude ukusno blabla, mi smo raščerupali te listeke, Joža White Stons je rekel da ruku ftrgne svakom ko zaokruži HNS jer da su to pederi koji puše Mamiću, na kaj je neko rekel da on ništ ne razme jer to ni Hrvatski nogometni savez nego Hrvatska nepotrebna stranka, onda je Bijanka koja inzistira na Bjanka jer se nekad čuje i pijanka, digla rukicu i pitala pedagoga da kaj je to preserencijalno glasovanje, onda je pedagog brbljal nekaj da je preferencijalno i da to znači da moremo zaokružit koga hoćemo na listi, znači da moramo celu listu čitati, a mi smo v sebi mislili „no, je, imaš i muzičku želju“, pa je frend Brla pital da li moremo i dopisati koga jer da je v njegovom selu čak jen poštenjak pa bi njega dopisal, pa je pedagog rekel da nesmemo ništ šarati, a Brla je rekel da kak ne kad je „Milovanović rekel šaraj malo šaraj“, pedagog se već počel znojit, i to za 5 i pol hiljada kuna.

Onda sam ja pital pedagoga da kaj to znači da sem velečasnog poslušal, dobro da baš nisam poslušal sve jer sam baril jednu curu kaj popeva v cirkvi z očima al da je pop zdizal pesnice spominjajuć nekakve orehe, žire, hraste, meni to baš ni bilo bistro ja sam si tu brezu gledal, tak je lepa i popevle ko Sandra Bagarić al se tak ne smije bedasto, no uglavnom kaj hoćem reći da su jeni za marihuanu drugi su protiv, jeni bi da muško muškom puši drugi su protiv pušenja opće i onda se pop zajapuril kak dok ide z hiže od one dovice Julike, zdigel prst i rekel da je pred nama đavolja dilema i da božji prst nas bu vodil da zaokružimo kršćanske stranke, na kaj je moj sused rekel da kaj se velečasnom zmešalo od žganice jer da je Milanović rekel da bu papa za njega glasal. Na to je pedagog, kak Špiček na 3,2,1 kreni se oblizal i počel tumačit nekaj o razlikama idejologije i tak nekaj.

Onda je Katarina, a mama joj je čistačica postala dok se učlanila u SDP rekla kak joj se dopada slogan Hrvatska raste, a Tihomir je rekel da „kurac raste“ na kaj smo se polomili od smeha, na kaj je pedagoga počela lagano prati pedagogija pa je počel nekaj crtati, al to više nikog ni zarezivalo. Samo je Karlo nekaj bubal da bu njegova baka za Štromara jer da joj je dal besplatni prevoz z autobusom i da se ve baka vozi od zore do kmice po županiji i trača z babama i baš ju briga jer ima kartu v žepu, al joj je onda Karlo rekel da karta vredi samo – dok izbori prejdu. I onda je Petar pod nadimkom Hambi jer more strpati dva ona mekdonaldsa odjemput i progutati zel par tih promo listeka i tak lepo objasnil kak raska, pop i pedagog nigdar nisu: „Ljudi, pa to morate dobro proučit, bum vam šeral na fejs grupu: domoljubi serviraju kobasice, kruh, luk, mošt i imaju muziku, a ovi kaj rastu buju delili kostanje i kuhano vino al ništ ne piše za muziku, oreh nudi jabuke, most samo papire, halo pa to su velike razlike!