Legende našeg kraja: Kako je Varaždinka postala vilom?

U okolici Varaždina zabilježena je legenda o siromašnoj udovici i njezinoj kćerki koja je postala vilom. Još kad je bila dijete, svaku bi večer ona majci govorila: "Lijepe me gospe slušaju dok pjevam". No, njezina majka nikada nije vidjela njezine predivne, tajanstvene prijateljice...

Bila je negda jedna siromašna udovica. Ova je imela jednu čer koju je školati dala. Saki den posle škole išla je š čerjum na polje i vučivala je ju lepimi pesmami se baviti.

I to je saki den trpelo, a po večerji sede si dete vun na klup i popeva.

Nju su vekša gospoda dohajala slušat i više puti je dobila od gospode lepu nagradu. A ova mati imela je takajše tri pse koji su se zvali: Pazi, Skrbi i Naj bolje.

Ovi tri psi su navek ovo dete čuvati morali i navek su spali kraj postelje gde je dete spalo. Ovi dva psi su trejtega mrzili kajti je on naj bolje se znal. A ovo dete su, takajše hodile Vile slušat.

A nje je nigdar nigdo videl ne, neg ovo dete, a dete je saki večer materi povedalo da kak nju lepe gospe hodiju slušat, z dugemi zlatnemi lasmi i zlatnemi opravami.

Drugi večer ide dete van i z materjum. Mati je gledala jeli su ove gospe došle, ali mati nje neje vidla neg samo kči.

Na jen put pade ovi čeri v krilo jeden zlati uringel. Mati vidla neje. Dete si dene na vuha i još veseleše popeva.

Psi glediju kak je lepu stvar dobila i od veselja su cvilili. I tak je to bilo više večerov i saki večer je nekaj dobila od Vil. Potlam reče ona materi kaj je dobila.

Mati je rekla naj spravi to, da bu imela gda se ženila bu. Nu, ovim Vilam se lepo dopala ova pucica i su se spominjale da nju budu k sebi zele.

Dete išlo je opet na večer van i popeva, a mati gledi, je li su došle ove gospe.

Nu gda bi dete spopevalo i da nutri iti oče, Vile zgrabiju dete i neseju sobum. Mati gledi ovo čudo, kam je dete zniklo, a psi su počeli rvčati za dete.

Samo trejti pes nije nikaj žalosten bil, kajti je znal kak se dogodilo. Onda mati nije niti od žalosti pustila pse nutri spati.

Onda psi su se počeli biti, da zakaj nisu bolje pazili, a trejtemu nisu nikaj činili kajti su ga za norca držali. V jutro se stane gazdarica sa žalostna i pusti pse nuter, zeme noža da nje klati oče.

Onda one dva zakolje, a trejti veli: „Naj me klati, jaz te zapeljem gde je tvoja kči“. I pusti ga, a na večer ide pes z gazdaricum na polje gde su Vile ž njenum čerjum popevale.

I Vile zele su mater med se davale joj kajkakve stvari da naj samo kčer pri njima pusti, ali ona neje štela.

Onda su njoj dale lepe stvari da kči saki večer med nje dojde popevat. Kči je več velika bila i hodili su kod nje snoboki, ali ona neje nikoga štela.

Na zadnje gda njena je mati vumrla, postala je jedna lepa Vila.

I u Međimurju se pripovijedalo, kako vilinska pjesma opčini djevojku, te i ona postane vila.

Pjeva li pak neka djevojka ljepše od vila, one je prokunu da izgubi glas.

Znaju se u pričama te vile pretvoriti u pticu, staru ženu, maglu, cvijet, leptira...

Njihov iscrpni opis dao je u svojim pripovijetkama sakupljenim u Varaždinu i okolici Matija Kračmanov Valjavec.

Dosad objavljene legende našeg kraja:

>>Pasoglavac iz močvare proždirao Ludbrežane

>>Marofčani i Međimurci pamte zle svečkare

>>Vile i kralj Matijaš iz špilje Vindija

>>Varaždinska božja vučica, krvolok i anđeo

>>Nečisti duh, gospodar starog Viničkog grada

>>Sudbina Varaždinaca u rukama “Vusuda”

>>Varaždinski vučji pastir obožavao je mlijeko