Legende našeg kraja: Sudbina Varaždinaca u rukama "Vusuda"

Ako vas zanima sudbina, pa još i čitate različite „sanjarice”, znajte da od toga nema koristi. Naime, budućnost Varaždinki i Varaždinaca, njihovo bogatstvo ili siromaštvo uvijek je bilo u rukama „Vusuda”.

Kakvo je to mitsko biće, opisao je u svojim pripovijetkama sakupljenim u Varaždinu i okolici Matija Kračmanov Valjavec još 1858. godine:

Jeden otec imel je dva sine, jeden bil je delaven, a drugi jako len. Po očevoj smrti živeli su skup i tak 'sega dosti su imeli. Onomu koj bil je delaven, videlo se je to krivo, da on dela a njegov brat navek spi i jede.

Tak su se razdelili. Za nekuliko let išel je ov delavni brat k onomu lenomu bratu da vidi jeli on kaj ima, jer on nikaj nije imel.

Kada k njemu dojde, a pri njem je 'sega dosti. Vezda on počme izpitavati, da kak je to da njegov brat ima 'sega dosti, koj nije nigda nikaj delal, a ja koj sem navek delal - nikaj nimam.

I kak je tak izpitaval, veli mu jedenkrat jedna stara baba, da naj ide pitat k Vusudu, ali mora si zeti mnogo mesa, jer ima puno dvorišće zveri divjih.

Drugač ga razdrapale budu, i kad tam dojde ne sme ni reči reči, nego delati kaj on bude delal. Tak je i bilo. Kad je on tam došel 'se je tak našel kak mu je baba povedala.

Prvu noć kad je on tam došel, čula seje o polnoći grmlavina i ove reči:„Čuješ, Vusud? Sad se je tuliko jezer ljudi narodilo, kak očeš jih suditi”?

On odgovori: „Naj jim bude tak kak je meni sada”. I rasipal je zlato i srebro po hiži. Drugu noć bilo je opet 'se tak samo da onda Vusud nije rasipal zlata i srebra, nego bolje siromašne stvari.

Tretu noć pak je rasipal posve siromašno. Onda mu je Vusud rekel: „Vidiš ti, moj dragi, tak se je i tvoj brat rodil v dobru noć i on ima 'sega dosti, a ti si se v ovu najsiromašnešu noć rodil. Nego, njegva čer se je takajše v dobru noć rodila, nju zemi k sebi i imel buš 'sega dosti".

Dosad objavljene legende našeg kraja:

>>Pasoglavac iz močvare proždirao Ludbrežane

>>Marofčani i Međimurci pamte zle svečkare

>>Vile i kralj Matijaš iz špilje Vindija

>>Varaždinska božja vučica, krvolok i anđeo

>>Nečisti duh, gospodar starog Viničkog grada